ប៉ាឡេស្ទីន៖ អាជ្ញាធរប៉ាឡេស្ទីនថា អ៊ីស្រាអ៊ែលបានប្រើការវាយប្រហារតាមអាការលើជំរំដែលប្រើប្រាស់ដោយក្រុមហាម៉ាស និងបក្សពួកកាហ្សាផ្សេងទៀត នៅថ្ងៃទី១៩ ខែមេសា ឆ្នាំ២០២២នេះ។ ការបាញ់ប្រហារនេះធ្វើឡើងតែប៉ុន្មានម៉ោងប៉ុណ្ណោះបន្ទាប់ពីយោធាអ៊ីស្រាអែលបាននិយាយថា ខ្លួនបានបាញ់ទម្លាក់គ្រាប់រ៉ុក្កែតមួយគ្រាប់ដែលបាញ់ចេញពីតំបន់កាហ្សាស្ទ្រីប។

យោធាប៉ាឡេស្ទីនបាននិយាយថា គោលដៅដែលអ៊ីស្រាអ៊ែលបាញ់នោះគឺជាកន្លែងផលិតអាវុធ តែគ្មាននរណាម្នាក់រងរបួសទេ។

ការបាញ់រ៉ុក្កែតពីកាហ្សានេះ គឺជាការវាយប្រហារលើកដំបូងក្នុងរយៈពេលប៉ុន្មានខែមកនេះ ខណៈដែលភាពតានតឹងជុំវិញទីសក្ការៈបូជាក្រុងយេរ៉ូសាឡឹម បានទាក់ទាញនូវវោហាសាស្ត្រគាំទ្រប៉ាឡេស្ទីនពីប្រទេសហ្ស៊កដានី និងកិច្ចខិតខំប្រឹងប្រែងសម្របសម្រួលរបស់សហរដ្ឋអាមេរិក។

គ្មានក្រុមប្រយុទ្ធកាហ្សាណា ចេញមុខអះអាងទទួលខុសត្រូវចំពោះការបាញ់បង្ហោះនេះទេ ដែលបន្ទាប់ពីមានការព្រមានរបស់ពួកហាម៉ាសអ៊ីស្លាមជ្រុលនិយមអំពីការសងសឹកចំពោះការប្រព្រឹត្តរបស់អ៊ីស្រាអែលជុំវិញបរិវេណវិហារអ៊ីស្លាម Al Aqsa នៃក្រុងហ្សេរ៉ូសាឡឹម។

ចាប់តាំងពីថ្ងៃសុក្រ ទី១៥ ខែមេសា វិហារ Al Aqsa ដែលត្រូវបានគោរពដោយជនជាតិយូដាជាកន្លែងគោរពបូជានៃប្រាសាទបុរាណពីរ បានឃើញការប្រឈមមុខដាក់គ្នារវាងអ្នកគប់ដុំថ្មប៉ាឡេស្ទីននិងប៉ូលីសកុបកម្មអ៊ីស្រាអែល ដែលបានរម្លឹកឡើងវិញនូវអំពើហឹង្សាកាលពីមួយឆ្នាំមុន។

ប៉ាឡេស្ទីនចោទអ៊ីស្រាអែលថាបានទន្ទ្រានយកក្រុង Al Aqsa ក្នុងអំឡុងខែបុណ្យរ៉ាម៉ាដានរបស់មូស្លីម។ អ៊ីស្រាអែលនិយាយថា ក្រុមបាតុករប៉ាឡេស្ទីនព្យាយាមរំខានដល់ការអធិស្ឋានរបស់មូស្លីមក្រោមហេតុផលនយោបាយ និងទប់ស្កាត់ការមកលេងរបស់ជនជាតិយូដា។

ភាពតានតឹងនេះធ្វើឲ្យស្មុគស្មាញដល់ទំនាក់ទំនងសន្តិសុខរបស់អ៊ីស្រាអែលជាមួយហ្ស៊កដានី ដែលជាអ្នកថែរក្សាវិហារ Al Aqsa ហើយមានប្រជាជនប៉ាឡេស្ទីនភាគច្រើន៕